តារាក្រមិចក្រមើម ម៉ាដូណា បានធ្វើខួបកំណើតអាយុ៣៦ឆ្នាំ របស់ខ្លួនកាលពីយប់មិញនៅ Happy Family កោះពេជ្រ។ ក្នុងពិធីខួបនេះដែរលោកគ្រងឈុតរាជបុត្រតែក្រណាត់ជជុះធ្វើឲ្យផ្អើលអស់តារាល្បីៗក្នុងកម្មវិធី។
ម៉ាដូណា បានប្រាប់ Sabay ថាខួបកំណើតកាលពីឆ្នាំមុនលោក បានច្នៃម៉ូដសំលៀកបំពាក់ចេញពីកំណាត់ជជុះដោយឡែកឆ្នាំនេះក៏មិនខុសពីឆ្នាំមុនដែរគឺកំណាត់ជជុះដូចគ្នា។ ខុសប្លែកគ្នាត្រង់ថាឆ្នាំមុនតុបតែងខ្លួនមុខសេះ តែឆ្នាំនេះតុបតែងកាយជាព្រះរាជបុត្រជិះសេះសរវិញម្ដង។
“ម៉ូដព្រះរាជបុត្រ១ ឈុតនេះខ្ញុំចំណាយអស់ខ្ទង់១០០ ដុល្លារទាំងស្បែកជើង និងខោអាវ។ ថ្ងៃនេះដែរខ្ញុំអញ្ជើញភ្ញៀវកិត្តិយសឲ្យចូលរួមក្នុងកម្មវិធីចំនួន៤០០ នាក់។ ក្នុងនោះមានភ្ញៀវសិល្បៈ ២០០នាក់។ កម្មវិធីនេះខ្ញុំចំណាយថវិកាអស់ខ្ទង់ ៧០០០ដុល្លារ។"។ ម៉ាដូណា ថ្លែងបញ្ជាក់៕
No comments:
Post a Comment