នេះជាលើកទី១ដែលកំលោះសង្ហារ ប៉ែន ភ័ក្រសុធារិទ្ធ បានចាប់ដៃគូជាមួយបងថ្លៃនាយ ព្រែក ថតឲ្យសម្អាងការមួយក្នុងសំលៀកបំពាក់កូនក្រមុំ។ ការប៉ះគ្នាលើកទី១នេះបានធ្វើឲ្យ លោកពេញបងថ្លៃនាយព្រែកមិនស្ទើរនោះទេ។
ប៉ែន ភ័ក្រសុធារិទ្ធ បានប្រាប់ Sabay ថា "ទោះបីនេះជាលើកទី១ ដែលខ្ញុំបានរួមការងារជាមួយ សុជាតា ក៏ដោយ តែពួកយើងសម្ដែងទៅស៊ីចង្វាក់គ្នាបានល្អណាស់។ ចំណុចដែលខ្ញុំចាប់អារម្មណ៍គាត់នោះគឺភាពស្រស់ស្អាតរបស់គាត់តែម្ដង គាត់ជានារីម្នាក់ដែលមានរូបសម្រស់ស្អាត"។
តែអ្វីដែលធ្វើឲ្យ សុធារិទ្ធ កាន់តែប្លែកភ្នែកនោះនៅពេលដែលបងថ្លៃ នាយ ព្រែក រូបនេះ ស្លៀកសំលៀកបំពាក់កូនក្រមុំ ព្រោះនៅក្នុងឈុតនេះលោកមើលនាងសឹងតែមិនចង់ស្គាល់ ស្អាតប្លែកដូចមនុស្សម្នាក់ថ្មីផ្សេងទៀតមិនធ្លាប់ស្គាល់ពីមុនមក។ ប៉ែន ភ័ក្រសុធារិទ្ធ បន្ថែម។
តួឯកប្រុសក្នុងរឿង "ក្រមុំប៉េងបោះកំលោះត្រីឆ្អើរ" បានបញ្ជាក់ថា "ពិតជាគួរឲ្យស្ដាយខ្លាំងណាស់ ដែលពួកយើងមានឱកាសតិចតួចបានរួមការងារជាមួយគ្នា សង្ឃឹមថាថ្ងៃណាមួយខ្ញុំ និងគាត់បានថតរឿងជាមួយគ្នាទៅចុះ"៕
No comments:
Post a Comment