ស្វែងយល់ពីអត្ថន័យ នៅពីក្រោយការយល់សប្តិ ឃើញនរណាម្នាក់

សុបិនឬការយល់សប្តិគឺពោរពេញទៅដោយអាថ៌កំបាំង។តើអ្នកកំពុងតែមានចម្ងល់ ទាក់ទងនឹង

អត្ថន័យក្នុងយល់សប្តិមែនដែរឬទេ?ជាពិសេសគឺនៅពេលដែល អ្នកសុបិន្តឃើញមនុស្សណាម្នាក់តែ

ម្តង។ដើម្បីកុំឲ្យរង់ចាំយូរ តោះទៅតាមដាន ការបកស្រាយផ្សេងៗដូចខាងក្រោមនេះ ៖

១. សុបិនឃើញនរណាម្នាក់ (ទូទៅ)

មូលហេតុចំបងដែលបណ្តាលឲ្យអ្នកយល់សប្តិបែបនេះក៏ព្រោះតែអ្នកគិតអំពីម្នាក់នោះ នៅមុនពេល

ចូលគេងនិងពេលដែលកំពុងគេង។  មួយវិញទៀតក៏ព្រោះតែអ្នកគិតអំពីមនុស្សម្នាក់នោះច្រើន

ហួសហេតុពេកមិនថាថ្ងៃឬយប់រហូតធ្វើឲ្យម្នាក់នោះរសាត់អណ្តែតចូលក្នុងសុបិនរបស់អ្នក។  ជួនកាល

ប្រសិនបើអ្នកយល់សប្តិឃើញខ្លួនអ្នកនិងនរណាម្នាក់ទៀតមានទំនាក់ទំនងល្អនឹងគ្នាវាក៏អាចបញ្ជាក់

បានថា អ្នកគឺជាមនុស្សដែលមានទំនាក់ទំនងល្អ ជាមួយនឹងមនុស្សជុំវិញខ្លួនផងដែរ។

២. សុបិនឃើញមនុស្សដែលខ្លួនលួចស្រលាញ់

ចំណុចនេះអាចនិយាយជារឿងធម្មតាទៅហើយពីព្រោះដោយសារតែលួចចាប់អារម្មណ៍គេ  ទើបធ្វើឲ្យ

អ្នកគិតពីគេយ៉ាងខ្លាំងសឹងតែគ្រប់ពេលគ្រប់វេលារហូតយល់សប្តិឃើញគេយ៉ាងដូច្នេះ។  ទន្ទឹមនឹង

នោះដែរ ប្រសិនបើអ្នកយល់សប្តិឃើញគេ ចាប់អារម្មណ៍អ្នកវិញនោះ  អ្នកនឹងអាចមានសង្ឃឹម ប៉ុន្តែប្រសិនបើអ្នកយល់សប្តិឃើញគេបដិសេដមិនចូលចិត្តអ្នកទេនោះ វាអាចជាសញ្ញាឲ្យអ្នកដក

ខ្លួនហើយ។

៣. សុបិនឃើញដៃគូស្នេហា

ក្នុងករណីដែលអ្នកសុបិនឃើញអ្នកនិងដៃគូសង្សារមានភាពរីករាយ ប្រកបទៅដោយស្នាមញញឹម

នោះមានន័យថាអ្នកនិងដៃគូគឺមានចំណងស្នេហារឹងមាំល្អ។ប៉ុន្តែប្រសិនបើអ្នក សុបិនឃើញដៃគូ

របស់អ្នកនិងអ្នកមានជម្លោះទាស់ទែងគ្នាវាអាចជាសញ្ញាបញ្ជាក់ថា អ្នកកំពុងមានអារម្មណ៍

អស់ស្រលាញ់នឹងគេខ្លះហើយ។  មួយវិញទៀត ប្រសិនបើយល់សប្តិឃើញដៃគូរបស់អ្នកមានអ្នកថ្មីនោះ វាអាចមានន័យថា អ្នកមិនសូវស្រលាញ់គេនោះទេ។

៤. សុបិនឃើញអ្នកស្លាប់ទៅហើយ

ការដែលយល់សប្តិឃើញអ្នកដែលស្លាប់ហើយបែបនេះវាអាចមានន័យថា ពួកគាត់គ្រាន់តែចង់មក

លេងអ្នក ដើម្បីមកជួយ និងការពារអ្នកប៉ុណ្ណោះ (ដូចជាពេលដែលអ្នកកំពុងស្មុគ្រស្មាញក្នុងជីវិត)។  មួយវិញទៀតប្រសិនបើពួកគេស្លាប់ដោយរកឃាតករឬសាកសពមិនឃើញ ពួកគេអាចមកប្រាប់

ពីមុខមាត់អ្នកសម្លាប់  ឬទីតាំងសពខ្លួន ជូនអ្នកឲ្យដឹងផងដែរ។

៥. សុបិនឃើញតារាល្បី

នៅពេលដែលអ្នកយល់សប្តិឃើញតារាល្បីណាម្នាក់វាអាចមានន័យថា អ្នកក៏កំពុងតែចង់ធ្វើជាតារា

ដូចគេដែរ។ មួយវិញទៀត វាក៏អាចមានន័យថា អ្នកនឹងទទួលបានជោគជ័យលើកិច្ចការណាមួយ នៅរយៈពេលខាងមុខជាក់ជាមិនខាន។

៦. សុបិនឃើញរួមភេទជាមួយនរណាម្នាក់

ខ្មែរយើងតែងតែហៅថា“ចាញ់បោកយល់សប្តិ”ដែលវាអាចមានន័យថា អ្នកកំពុងតែចាប់អារម្មណ៍

នរណាម្នាក់ រហូតចង់មានចំណង់ផ្លូវភេទជាមួយគេ។ ប៉ុន្តែជាក់ស្តែង វាមិនមែនបែបនេះរហូតទេ។ ឧទាហរណ៍ថាអ្នកយល់សប្តិឃើញរួមភេទជាមួយថៅកែឬអ្នកគ្រប់គ្រងខ្លួនឯង ក៏មិនមែនមានន័យ

ថាអ្នកស្រលាញ់គាត់ដែរ។ គ្រាន់តែអ្នកធ្វើការពេញមួយថ្ងៃជាមួយគាត់ រហូតគិតពីគាត់ច្រើន បូករួមជាមួយអារម្មណ៍ផ្លូវភេទ ខ្លួនអ្នកផ្ទាល់ទៅវិញទេ ទើបអាចបណ្តាលឲ្យសុបិន្តបែបនេះ៕