ភ្នំពេញ៖ តារាសម្តែង និងជាពិធីការិនី អ្នកនាង សុខ សោម៉ាវត្តី បានបង្ហាញភាពក្រមិចក្រមើម កំប្លុកកំប្លែង កាច់កុងមិនធម្មតាជាមួយ តារាសម្តែងពន្លកថ្មី លោកខេ តាមរយៈ Trailer រឿង ”ក្រមុំចាស់ ប៉ះក្មេងស្ទាវ” ទទួលការចាប់អារម្មណ៍ជាខ្លាំង ពីអ្នកប្រើប្រាស់បណ្ដាញសង្គម Facebook និង YouTube។
ភាពយន្តខ្នាតធំថ្មី រឿង “ក្រមុំចាស់ប៉ះក្មេងស្ទាវ” ដែលជាវណ្ណកម្ម របស់ផលិតកម្មមហាហង្ស សម្រិតសម្រាំងយកគុណភាព និងក្រោមការដឹកនាំសម្តែង ដោយលោក ជុំ វិចិត្រ ដែលជាម្ចាស់ពាន អ្នកដឹកនាំឆ្នើម ក្នុងកម្មវិធីប្រកួតប្រជែង មហោស្រពភាពយន្តជាតិលើកទី៥ ក្នុងរឿង “ស៊ុបភើរម៉ាំ” ថ្មីៗនេះបានលេចឮដំណឹងយ៉ាងច្បាស់ការណ៍ ហើយថានឹងដាក់បញ្ចាំង គ្រប់រោងភាពយន្តទាំងអស់ ទូទាំងប្រទេសកម្ពុជា នៅថ្ងៃទី ០១ ខែ មិនា ឆ្នាំ ២០១៨ ។
តារាសម្តែង អ្នកនាង សុខ សោម៉ាវត្តី នៅតែមានភាពលេចធ្លោ តាមរយ:ការសម្តែងរឿង ដែលនាងបានបង្ហាញពី ទេពកោសល្យកំប្លុកកំប្លែង ក្រមិចក្រមើម ហើយជាពិសេសរឿងថ្មីនេះ គឺនាងបានចាប់ដៃគូថ្មី គឺលោកខេ នៅក្នុងរឿង “ក្រមុំចាស់ប៉ះក្មេងស្ទាវ” ថែមទៀតផង។
ជាពិសេសក្នុងភាពយន្ត ខ្នាតធំមួយខ្សែនេះ ក៏មានការចូលរួមយ៉ាងកុះករ ពីតារាសម្តែងល្បីនិងមានទេពសល្យ ក្នុងការសម្តែងដូចជា៖ អ្នកនាង សុខ សុម៉ាវត្តី លោក អូន ឧស្សាហ៏ លោក លឹម រដ្ឋា កញ្ញា ម៉ៅ គឹមធីតា កញ្ញា ធី វ៉ាន់នីវ៉ា កញ្ញា ណាតាហ្សា លោក ថមមី បូករួមនិងតារាកិត្តយសជាច្រើនដួងទៀត ដែលនឹងញាំង ឲ្យភាពយន្តខ្នាតធំមួយរឿងនេះ កាន់តែល្អមើលមួយកម្រិតទៀតផងដែរ។
ភាពយន្តរឿង “ក្រមុំចាស់ប៉ះក្មេងស្ទាវ” ដែលជាស្នេហាកាច់កុង សម្បូរគ្រប់រសជាតិ នឹងបង្ហាញវត្តមាន តាមរោងភាពយន្តនានា នៅថ្ងៃទី ១ ខែ មីនា ឆ្នាំ២០១៨ខាងមុខ។
No comments:
Post a Comment