Khmer News Post: September 2017

Monday, September 18, 2017

ស្ត្រីមានបញ្ហាខ្មៅក្រលៀននិងជុំវិញប្រដាប់ភេទច្បាស់ជាលែងបារម្ភទៀតហើយ!

ទោះសភាពស្បែកពីខាងក្រៅមើលទៅភ្លឺស្រស់ថ្លា តែស្រ្តីភាគច្រើននៅតែជួបបញ្ហាស្បែកស្រអាប់និងខ្មៅនៅត្រង់កន្លែងមួយចំនួនលើរាងកាយដដែល។ ជាពិសេស នៅត្រង់ក្រលៀននិងជុំវិញប្រដាប់ភេទដែលស្បែកមានសភាពខ្មៅខុសពីសម្បុរលើដងខ្លួន ហើយវាធ្វើឱ្យស្ត្រីគ្មានភាពជឿជាក់ទាល់តែសោះ។ កុំបារម្ភ កញ្ញា នឹងជួយអ្នកឱ្យចេញឆ្ងាយពីបញ្ហានេះជាមួយគ្រឿងផ្សំធម្មជាតិខាងក្រោម៖

១. ក្រូចឆ្មារនិងប្រេងដូង៖ ប្រើប្រេងដូង ៣ ស្លាបព្រាកាហ្វេលាយជាមួយទឹកក្រូចឆ្មារមួយស្លាបព្រាកាហ្វេ រួចម៉ាស្សាថ្នមៗពី ១០ ទៅ ១៥ នាទី។ បន្ទាប់មកលាងសម្អាតជាមួយទឹកក្តៅឧណ្ហៗ។

២. ប្រទាលកន្ទុយក្រពើ៖ ឆ្កឹះយកសាច់ប្រទាលយកមកម៉ាស្សានៅត្រង់កន្លែងដែលខ្មៅរយៈពេល ២០ នាទី រួចលាងជម្រះជាមួយទឹកក្តៅឧណ្ហៗ។

៣. យ៉ាអ៊ួរធម្មជាតិ៖ អ្នកគួរជ្រើសរើសយ៉ាអួរដែលផលិតពីធម្មជាតិសុទ្ធគ្មានដាក់សារធាតុគីមីដើម្បីទុកបានយូរ។ យកវាមកម៉ាស្សារយៈពេល ២០ នាទី រួចលាងចេញជាមួយទឹកក្តៅឧណ្ហៗ៕

ចំណុចសំខាន់ៗនៅលើរថយន្ត ដែលអ្នកមិនគួរមើលរំលងមុនពេលធ្វើដំណើរផ្លូវឆ្ងាយ

បច្ចេកវិទ្យា

Post News Khmer 4:03 AM 0

ពីធីបុណ្យភ្ជុំបិណ្ឌកាន់តែខិតជិតមកដល់ហើយ តើលោកអ្នកត្រៀមខ្លួនឬនៅសម្រាប់ដំណើរកម្សាន្តនាថ្ងៃបុណ្យភ្ជុំបិណ្ឌខាងមុខ? ដើម្បីបញ្ចៀសរាល់បញ្ហាទាំងឡាយ ដែលអាចនឹងកើតឡើងក្នុងពេលធ្វើដំណើរកម្សាន្តជាយថាហេតុ អ្នកគួរតែនាំយករថយន្តរបស់អ្នកទៅធ្វើការត្រួតពិនិត្យជាមុនសិនមុននឹងចេញដំណើរកម្សាន្តផ្លូវឆ្ងាយ។ ខាងក្រោមនេះជាចំណុចសំខាន់មួយចំនួនដែលអ្នកគួរដឹង៖

- ត្រួតពិនិត្យភ្លើងរថយន្ត
អ្វីដែលងាយស្រួលបំផុតនិងចាំបាច់បំផុតដែលអ្នកគួរពិនិត្យលើរថយន្តរបស់អ្នក គឺប្រព័ន្ធភ្លើងបំភ្លឺរបស់រថយន្ត។ អ្នកត្រូវតែប្រាកដថាប្រព័ន្ធភ្លើងបំភ្លឺរបស់រថយន្តទាំងខាងមុខនិងខាងក្រោយដំណើរការធម្មតាពេលដែលអ្នកបើកបរ ពីព្រោះវាមានសារៈសំខាន់ណាស់ជាពិសេសនៅពេលអ្នកធ្វើដំណើរកម្សាន្តផ្លូវឆ្ងាយទៅខេត្តនានាជាដើម។
- ត្រួតពិនិត្យសភាពរបស់កង់រថយន្ត
តើអ្នកបានត្រួតពិនិត្យសំបកកង់រថយន្ត របស់អ្នកហើយឬនៅ? ទាំងនេះជាចំណុចដែលអ្នកគួរតែត្រួតពិនិត្យនៅលើកង់រថយន្តមុនពេលចេញដំណើរ៖ សម្ពាធខ្យល់កង់ សឹកកង់ អាយុកាលនៃកង់រថយន្ត និងសភាពរបស់កង់សាគួរផងដែរ។ អ្នកគួរពិនិត្យសម្ពាធខ្យល់កង់រថយន្តជាប្រចាំរួមជាមួយនឹងស្ថានភាពរបស់កង់ផងដែរ។ តើកង់សាគួររបស់អ្នកអាចប្រើប្រាស់បានដែររឺទេ? តើនៅលើសំបកកង់រថយន្តអ្នកមានស្នាម ឬរងការខូចខាតដែរឬទេ? តើក្រឡានៅលើសំបកកង់របស់អ្នកមានសភាពសឹក ឬចាស់ដែររឺទេ? បើដូច្នេះ តើអ្នកគួរតែប្ដូរសំបកកង់ថ្មីរឺយ៉ាងណា។ ហេតុនេះហើយ អ្នកគួរតែយករថយ្តទៅយានដ្ឋានត្រួតពិនិត្យសំបកង់មុនពេលធ្វើដំណើរកម្សាន្ត។
- ត្រួតពិនិត្យកម្រិតប្រេងម៉ាស៊ីនផ្សេងៗ
កម្រិតទឹកនិងប្រេងម៉ាស៊ីនផ្សេងៗនៅក្នុងរថយន្តគួរតែត្រួតពិនិត្យឲ្យបានត្រឹមត្រូវ ដើម្បីជៀសវាងបញ្ហាផ្សេងៗដែលអាចកើតមាននៅពេលកំពុងបើកបរ ដូចជា កម្រិតប្រេងម៉ាស៊ីន ប្រេងចង្កូត ប្រេងប្រអប់លេខ ប្រេងហ្វ្រាំង ធុងទឹក ទឹកលាងកញ្ចក់ខាងមុខ បូករួមទាំងខ្សែរពាននិងទុយោរផងដែរ។ អ្នកគួរតែយករថយន្តទៅយានដ្ឋានដើម្បីត្រួតពិនិត្យទៅលើចំណុចទាំងនេះឲ្យបានត្រឹមត្រូវដើម្បីជៀសវាងហានិភ័យផ្សេងៗ។

- ត្រួតពិនិត្យអាគុយ
ប្រសិនបើអាគុយរថយន្តរបស់អ្នកប្រើប្រាស់រយៈពេលយូរមកហើយ អ្នកគួរត្រួតពិនិត្យឡើងវិញជាមុនសិនមុននឹងចេញដំណើរ។ អ្នកអាចពិនិត្យមើលស្នាមប្រេះខូចខាត ឬការហៀរទឹកចេញពីអាគុយ ប្រសិនបើប្រទះឃើញកត្តាទាំងនេះអ្នកគួរតែយករថយន្តទៅយានដ្ឋានដើម្បីប្ដូរអាគុយថ្មីជាបន្ទាន់។
- ធុងទឹក
ត្រូវពិនិត្យជារៀងរាល់ថ្ងៃ ជៀសវាងធ្វើឲ្យម៉ាស៊ីនឡានឡើងកម្ដៅខុសធម្មតា ករណីមានបញ្ហាផ្លូវឆ្ងាយពិបាកនឹងរកកន្លែងជួសជុលណាស់។ ចំណុចតូចៗទាំងនេះត្រូវយកចិត្តទុកដាក់ជាងគេបំផុតមុននឹងធ្វើដំណើរទៅណាមកណា ព្រោះថាអាយុកាលយូរអង្វែងនៃម៉ាស៊ីនរថយន្តក៏អាស្រ័យលើចំណុចតូចៗ ទាំងនេះដែរ។
យ៉ាងណាមិញដើម្បីធ្វើការត្រួតពិនិត្យរថយន្ត លោកអ្នកអាចមកកាន់យានដ្ឋានជួសជុលរថយន្ត Ford ដែលមានជាងជំនាញបច្ចេកទេសជាច្រើន ដែលទទួលបានការបណ្ដុះបណ្ដាលយ៉ាងត្រឹមត្រូវ និងស្ទាត់ជំនាញ ព្រមទាំងមានឧបករណ៍ទំនើបៗ និងសម្បូរបែប។ ដើម្បីផ្ដល់ជូននូវភាពងាយស្រួលដល់អតិថិជន យានដ្ឋានមានបីទីតាំង៖
ទីតាំងទី១ តាមបណ្ដោយផ្លូវមហាវិថីព្រះមុនីរង្ស ក្បែរស្ថានទូតវៀតណាម,
ទីតាំងទី២ តាមបណ្ដោយផ្លូវទៅអាកាសយានដ្ឋានភ្នំពេញជិតស្ថានីយ៍ប្រេងតូតាល់
និងទីតាំងទី៣ ខេត្តសៀមរាប ផ្លូវជាតិលេខ៦។ អ្វីដែលពិសេសជាងនេះទៅទៀត យានដ្ឋានជួសជុលរថយន្ត Ford ក៏មានរថយន្តជួសជុលចល័ត ២៤ម៉ោង ជូនដល់អតិថិជនផងដែរ៕

Old trafford ស្វាគមន៍ Rooney ជាមួយលទ្ធផល ៤-០

កីឡា

Post News Khmer 3:53 AM 0

Wayne Rooney បានត្រឡប់ទៅកាន់ទឹកដី Old Trafford វិញលើកដំបូងចាប់តាំងពីផ្ទេរទៅកាន់ Everton កាលពីរដូវក្ដៅ។

ការត្រឡប់ទៅវិញលើកនេះរបស់ខ្សែប្រយុទ្ធវ័យ៣១ឆ្នាំបានត្រឹមទទួលលទ្ធផលខកចិត្តបន្ទាប់ពី Everton ត្រូវ Manchester United ដែលជាអតីតក្លឹបរបស់គេយកឈ្នះដោយលទ្ធផល ៤-០។

ការប្រកួតយប់មិញលេងបានតែ៤នាទីក្រុមលោក Jose Mourinho រកបាន១គ្រាប់ដោយ Valencia ហើយ ៣គ្រាប់បន្តបន្ទាប់សុទ្ធតែកើតឡើងនៅចុងម៉ោងទាំងអស់គឺស៊ុតដោយ Mkhitaryan នៅនាទី៨៣, Lukaku នាទី៨៩ និង Martial នៅនាទី៩០+២ ដែលជាការទាត់បាល់ពិន័យ១១ម៉ែត្រ៕